بعد الأمطار دي واللي لسه ما انتهتش وآثارها لايعلمها الا الله نقدر نقول شوية حاجات كده…
1- كمية المياه اللي نزلت من السماء غير اعتياديه بالنسبه لمناخ مصر وغير مسبوقه علي حد علمي ….
2- اكثر المتضررين من هذا المناخ هم العاملين بقطاع الزراعه…..
3 – لوعندنا حسن إدارة لموارد الدوله يتم تجميع مياه الأمطار دي بالقطره لاننا ببساطه هنحتاجها بشده بعد شهر 6 ….
4- انتاجيات كل المحاصيل الزراعيه هتتأثر بالسلب نتيجة هذه الأمطار والرياح التي اصابت بعد المناطق… وهذا الانخفاض هينتج عنه إرتفاع أسعار…. وهذا الارتفاع غالبا مش هيغطي الخسائر اللي هتحصل… فالساده المستهلكين رجاء محدش يتوحوح وانا باحذر من بدري لان ما سيحدث الفتره القادمه غير محسوب وغير مسبوق….
5- المحاصيل التي ستتضرر تشمل كل ماهو حاليا ف الأرض ابتداء من القمح مروراً بالبطاطس والفول والفراوله والفاصوليا انتهاء بالتفاح والمانجو والمشمش والخوخ والعنب كمان …. من الآخر كله رايح….
6- أعتقد ان خريطة الزراعه ف مصر هتتغير ف الأعوام القادمه… بل أعتقد ان نظم الزراعه نفسها ممكن تتغير كمان….
7- الأسعار معدش حد هيقدر يتوقعها لمدة 6شهور من الآن سواء صعود او هبوط….
…………..
ختاما…. اسأل الله العظيم رب العرش العظيم أن يجعلها أمطار خير وان يرزقنا منها الخير كله…. والحمد لله ف السراء والضراء….
